Kalibo Aklan ———Sangka wanted person ro natigayon nga naaresto sa gintingob nga pwersa it pulisya sa Sitio Agbatuan, Brgy. Oyang, Libacao, Aklan.
Ginkilaea ro akusado nga si Tammy Subiano y Idala ag residente it nasambit nga lugar.
Si Subiano hay gin-aresto pinaagi sa warrant of arrest nga ginserbe it Libacao PNP, 1st APMFC nga nakabase sa Brgy. Rosal, Libacao ag personnel maghalin sa San Jose Municipal Police Station sa San Jose, Occidental Mindoro, ro lugar kon sa siin nana nakomitar ro krimen.
Ro nasambit nga akusado hay nagapangatubang sa kasong Incestuous Multiple Rape in relation to Republic Act 7610 nga may criminal case # R-8397 nga ginpirmahan ag ginpaguwa ni Hon Jose S. Jacinto Jr, Presiding Judge RTC Branch 45, San Jose, Occidental Mindoro nga may petsang August 25, 2015.
Owa it gintaeana nga pyansa ro korte para sa anang temporaryong kahilwayan.
