Wanted person sa Aklan, naaresto sa Brgy. Catmon, Malabon City

Kalibo Aklan ———Sangka wanted person ro madinaeag-on nga naaresto it pulisya sa Brgy. Catmon, Malabon City.

Ginkilaea ro akusado nga si Efren Tapleras y Ubias, 60-anyos ag residente it Brgy. Tugas, Makato.

Si Tapleras hay gin-aresto pinaagi sa warrant of arrest sa kasong murder nga may criminal case number 3201 nga ginpirmahan ag ginpaguwa ni Hon. Mario Guarina III, presiding judge, regional trial court Kalibo nga may petsang Oktobre 11, 1990.

Kapin sa P40,000 pesos ro gintaeana nga pyansa it korte para sa anang temporaryong kahilwayan.

Si Tapleras hay presenteng una sa kustudiya it Malabon PNP Station ag nakataeana nga iga-uli iya sa probinsya it Aklan agud nga ma-iturn over sa korteng natungdan para sa nagakaigong disposisyon.