-- ADVERTISEMENT --
KALIBO, Aklan—Sangka wanted person ro natigayon nga naaresto it pulisya sa Brgy. Poblacion, Makato.
Ginkilaea ro akusado nga si Francis Taglay, 27-anyos ag residente it Brgy. Tugas sa nasambit nga banwa.
Si Taglay hay gin-aresto pinaagi sa gahum it warrant of arrest nga may Criminal Case No. 15723 sa kasong anti-carnapping law nga ginpirmahan ag ginpaguwa ni Hon.Jemena Abellar Arbis, Presiding Judge, RTC 6, Branch 6 nga may petsang Pebrero 24, 2021.
Kapin sa P200,000 pesos ro gintaeana nga pyansa it korte para sa temporaryong kahilwayan it nasambit nga akusado nga presenteng una sa kustudiya it Makato PNP para sa nagakaigong disposisyon.
