Nadakpan it kapulisan sa ginpatigayon nga operasyon sa Kalibo ro sangka wanted person nga may ginapangatubang nga apat ka counts it statutory rape.
Suno kay Police Captain Gilbert Batiles it Aklan Police Provincial Office, ginpatigayon ro operasyon sa sangka lugar sa Banwa it Nabas, matapos makumpirma it kapulisan ro presensya it suspek nga may warrant of arrest. Uwa man it pagkontra halin sa suspek sa oras it pagdakop.
Matapos ro dokumentasyon, ginbutang anay sa lock-up cell it Kalibo Municipal Police Station ro suspek para sa nagakaigo nga disposisyon ag pagproseso it mga dokumento antes it pag-turn over sa korte nga nagpaguwa it warrant of arrest.
Ginpaathag pa ni Batiles nga padayon ro koordinasyon it kapulisan sa mga barangay officials ag iba pang ahensya agud maprotektahan ro mga menor de edad ag mapunggan ro mga krimen nga may kaangtanan sa mga inunga.
Nagpasaeamat man si Bateria sa pamunuan it Kalibo Municipal Police Station sa pagpanguna ni Police Lieutenant Colonel Jeric Vargas, pati sa padayon nga pagserbisyo it mga kapulisan 24 oras kada adlaw para sa seguridad it mga residente.
