KALIBO, Aklan — Arestado ro sangka eaeaki nga may kasong human trafficking matapos ro ginpatigayon nga operasyon it Malay Municipal Police Station.
Nakilaea ro suspek nga si Kevin Martin, 27, residente it Sitio Tulubhan, Brgy. Manocmanoc, Boracay nga may warrant of arrest sa kasong human trafficking nga ginpaguwa ni Judge Bienvenido P. Barrios, Jr. it Branch 3, Kalibo, Aklan nga may petsang Agosto 28, 2019.
Natabu ro operasyon bandang alas-11:30 Martes it agahon sa baeay it suspek.
Base sa report, nagpatigayon it follow-up operation ro kapulisan kontra kay Martin matapos makabaton it impormasyon sa anang ginakahimtangan.
Ginasugid nga owa eon nagsukoe ag maayos nga nagsunod ro suspek sa mga otoridad.
Matapos ro physical and medical examination sa Aklan Provincial Hospital hay gindaea eon sa presinto ro suspek.
Owa it gintaeana nga piyansa ro korte para sa anang temporaryong kahilwayan.
