KALIBO, Aklan — Arestado ro sangka eaeaki nga may kasong reckless imprudence resulting to serious physical injuries matapos ro ginpatigayon nga operasyon it Kalibo Police Station sa Brgy. Andagao, Kalibo.
Nakilaea ro suspek nga si Jonito Villafuerte , 22, owa it asawa ag residente it Brgy. Jalas sa banwa it New Washington.
Ginkasa ro operasyon kontra kay Villafuerte gamit ro warrant of arrest nga ginpaguwa ni Presiding Judge Alicia A. Cruz-Barrios it MTC, 6th judicial region, Kalibo, Aklan matapos nga makabaton it impormasyon sa anang ginakahimtangan.
Owa eon nagsukoe ag maayos nga nagsunod ro suspek sa mga otoridad.
Matapos ro physical ag medical examination sa provincial hospital hay gindaea sa presinto ro suspek ag nakataeanang igaturn-over sa korte nga natungdan para sa nagakaigo nga disposisyon.
Kapin sa P12,000 ro piyansa nga gintaeana it korte para sa anang temporaryong kahilwayan .
