KALIBO, Aklan — Matapos ro haeos napueong dag-on nga pagpanago sa kasuguan, naarestado eon ro sangka eaeaki nga may kasong robbery with homicide matapos ro ginpatigayon nga operasyon it Numancia Police Station.
Nakilaea ro suspek nga si Dionnie Carillo, sa legal nga edad ag residente it Brgy. Camanci, Norte, Numancia nga may warrant of arrest nga ginpaguwa ni Executive Judge Jaime Infante it RTC Branch 38, 11th Judicial Region nga may petsang Nobyembre 3, 2009 ag owa it gintaeana nga piyansa para sa anang temporaryong kahilwayan.
Natabu ro operasyon bandang alas-8:00, Miyerkules it gabi-i, sa baeay it suspek.
Suno sa kapulisan, nagpatigsyon it follow up operation kontra kay Carillo matapos sanda nga makabaton it impormasyon sa anang ginakahimtangan.
Owa eon nagsukoe ag maayos nga nagsunod ro suspek sa mga otoridad.
Matapos ro physical and medical examination sa Aklan Provincial Hospital hay gindaea sa presinto ro suspek ag nakataeanang iga-turn-over sa korte nga natungdan sa probinsiya it Sarangani.
