Wanted sa pagbaril-patay sa sangka lending collector sa banwa it Libacao, arestado

Kalibo Aklan ——-Arestado ro sambilog sa ap-at ka mga suspek sa pagbaril-patay sa sangka lending collector ko nakataliwan nga dag-on sa banwa it Libacao.

Base sa report, nadakpan ro suspek nga si Rodelio Idala, 20-anyos, tumandok it Brgy. Loctuga sa nasambitang banwa sa bahin it Brgy. Isidro, Rodriguez, Rizal.

Si Idala hay naaresto pinaagi sa gahum it warrant of arrest sa kasong robbery with homicide nga may criminal case number 15325.

Owa it pyansa nga ginataea ro korteng natungdan para sa temporaryong kahilwayan it suspek.

Sa makarun hay sa paghinakop eon it pulisya ro suspek para sa nagakaigo nag disposisyon.