Ginpaguwa it Quezon City Regional Trial Court Branch 98 ro warrant of arrest kontra kay Vice President Sara Duterte angot sa three counts it kasong grave threats nga nag-ugat sa mga pahayag kara angot sa gina-alegar nga planong pagpatay kanday Pangueong Ferdinand Marcos Jr., First Lady Liza Araneta Marcos ag dating House Speaker Martin Romualdez.
Gintaeana it korte sa P120,000 ro piyansa para sa kada count it kaso. Suno sa Department of Justice, nakita-an it korte it probable cause agud nga ipaatubang sa pagbista si Duterte ag ginmandu ro pagpaguwa it warrant.
Ginbasura man it korte ro mosyon it bise presidente nga ipaiway ukon bawion ro warrant ag i-abswelto ro impormasyon sa kaso.
Ginkumpirma man ni Duterte nga nabaton it anang taeatapan ro warrant nga may petsang Setyembre 4, 2026 ag ginpahayag nana nga paga-aksyunan eagi raya it anang mga abogado.
Suno sa anang abogado nga si Atty. Paul Lim, pagagamiton it bise presidente ro tanan nga legal nga remedyo samtang gin-insister nga owa sanda it plano nga maglikaw sa laye.
“I confirm that I was given notice of a warrant of arrest dated September 4, 2026 issued by Judge Maria Angelica De Ramos of Branch 98, Quezon City and served by PNP Col Christine Tabdi in the Office of the Vice President. My lawyers Attys Paul Lim and Clifford Chua will attend to this matter immediately,” pahayag ni VP Duterte.
