Owa it pagkabaeaka para sa Golden State Warriors ro nasamitan nandang pagkapiyerde sa Game 1 sa NBA Finals kontra sa Boston Celtics.
Para sa coaching staff ag mga players, apisar nga maabung mga fans ro nadismaya, indi man sigon kinahangean nga mag-panic bangud maeayo pa nga magtapos ro serye it best-of-seven series.
Suno sa two-time MVP ag dating scoring champion nga si Stephen Curry, magabawi sanda sa Lunes sa Game 2.
Kinahangean sigon nga maka-angkon sanda it adjustment sa diskarte kapin pa ag ginpaueanan sanda it three point shots pag-abot it 4th quarter.
Ginpahayag man ni Curry, ag mga veteran players nga sanday Klay Thompson, Draymond Green ag coach Steve Kerr,nga sanay eon sigon sanda sa grabeng hangkat ag sigurado nga magabangon sanda.
Samtang,Raya ro kauna-unahan nga pagkapiyerde it Warriors sa makaron nga postseason sa sangka serye.
