KALIBO, Aklan—Ginpabugae ni Department of Environment and Natural Resources (DENR) Secretary Roy Cimatu, nga nasolusyunan eon it gobyerno ro isyu sa water pollution sa Isla it Boracay bangud sa saea nga pagdumaea sa sewage system ag depektibong drainage.
Suno kay Cimatu, nakaangkon eon it mabahoe nga improvement sa kalidad it tubi sa beachfront kon siin ro volume it pollutants hay 19.5 units nga pasado sa standard nga 100 agud mahimo eon nga mapaligsan ro dagat.
Samtang, uman nga nagpanindugan ro sekretaryo nga “non-negotiable” ro pagbutang it sewage treatments plants (STP’s) sa Boracay.
Raya hay sandig sa ginpaguwang Memorandum No. 752 nga ginpirmahan it sekretaryo ko Setyembre 10 nga nagaklaro sa mga guidelines sa pagbutang it STPs sa isla.
Nauna eon nga ginpahayag ni Cimatu, hugot nga igapatuman it Inter-Agency Task Force ro pagbutang it STPs kon siin gintaw-an kara it ultimatum ro mga hotels ag resorts owner.
Samtang, may 34 diyas eon lang ro nabilin para sa Boracay re-opening countdown.
