KALIBO, Aklan–Temporaryong ginsuspinde ro mga water sports activity nga tanyag it mga establisyimento sa isla it Boracay.
Suno kay Malay Tourism Officer Mr. Felix Delos Santos, raya hay matapos nga ginpaidaeom ro barangay Balabag sa enhanced community quarantine samtang ginbutang man sa surgical lockdown ro Zone 1 ag 7 it barangay Manocmanoc sa nasambit nga isla sa sueod it 14 diyas.
Mag-eowas kara, ginbawaean man sigon ro mga bar hopping ag iba pang nakasanayan nga aktibidad ag mga expectations nga pagahimuon kunta it mga turista sa pagtabok it mga raya sa sikat nga isla.
Ginklaro man kara nga may options sandang ginta-o sa mga stranded nga turista eabi eon ro may mga early bookings sa mga apektadong establisyimento.
Ginkasubo man kara ro presenteng sitwasyon sa uman nga pagka-eugmok it tourism sector matapos nga nagnaba sa 22 ro numero it mga turista nga nagsueod sa isla eabi eon sa nagtaliwan nga holy week kon ikumpara ko mga nagtaliwan nga dinag-on nga haeos fully book ro mga hotels at resorts.
Sa makaron, ro banwa it Malay hay nakalista eon it 153 nga kaso it coronavirus disease ukon Covid-19 kon sa siin, 90 kara ro aktibong kaso ukon nagapamayad pa sa nasambitang deadly virus samtang sambilog man ro namatay.
