KALIBO, Aklan—Owa pa it pinal nga desisyon ro “We are Boracay Organization” kung raya hay magapabor ukon indi sa Boracay Island Development Authority ukon BIDA bill nga version it Government-Owned and Controlled Corporations (GOCC).
Suno kay Rosario Moleta, Presidente it “We are Boracay Organization” nga owa it problema kanda kung ro local government unit ukon ro national government ro magbuyot sa isla it Boracay, apang ro importante eamang sigon hay may maitao kanda nga permanenteng trabaho.
Samtang, nag-apela man raya sa gobyerno nga indi pagpabay-an ro mga pobreng pomoeuyo sa isla sa pihak it paiba-iba nga ginadusong layi.
Madumduman nga ko Hunyo 15 hay gin-aprubahan eun sa Committee level it Kamara ro BIDA Bill sa ginpatigayon nga joint meeting it Committee on Government Enterprises and Privatization ag it Committee on Local Government.
Nagapati si ACT-CIS Party-list Rep. Eric Go Yap ag Principal co-author of Davao City Congressman Paolo Duterte, nga ro Boracay hay mas pang magiging manami kung raya hay pagadumaeahan it Government-Owned and Controlled Corporations (GOCC) ag indi ma-impluwensiyahan it ano man nga klase it political actions.
