Nakaabot eon sa Agusan Del Sur ro mga Akeanong atleta nga magapasakop sa Palarong Pambansa 2026 nga pagahiwaton sa maabot nga Mayo 24 hasta 31.
Suno kay Roy Gio Divinagracia, coach it weightlifting girls, umabot sanda sa nasambit nga lugar ku Mayo 16 it gabie.
Buyot ni Divinagracia ro limang ka atleta it weightlifting kun sa siin daywa kara hay mag-halin sa Iloilo.
Paathag nana, maayos ag kompleto ro andang kahimtangan sa andang mga belliting area ag uwa sanda ginakueang sa pagkaon ag maayos ro suplay it tubi.
Samtang, pag-abot sa andang training, bangud nga uwa eon nanda pag-daeha ro andang mga kagamitan bangud eon man sa ka-eayo it byahe, gin-desidiran lang sigon ni Hidilyn Diaz, Olympic weightlifting champion, nga sa mismong playing venue eon lang sanda maga-training ag gintaw-an eon lang it tig sang oras ro kada delegasyon para pag-magpatigayon it pag-ensayo.
Madumdumang nakuhit it Aklanon delegates ro pagiging overall champion sa weightlifting sa nagtapos nga Western Visayas Regional Athletic Association (WVRAA) meet.
