Gintawag ni Department of Foreign Affairs (DFA) Secretary Ma. Theresa Lazaro nga “kaparte it sangag it demokrasya” ro mga pahayag it pilang mamalidha angot it isyu sa West Philippine Sea (WPS).
Ginpahayag ni Lazaro nga inde imaw magkomento sa mga diskusyong ginahimo it mga mamalidha ag gin-insister nga ro pokus it DFA hay ro mga konkretong isyu it foreign policy.
Nagguwa ro pahayag ni Lazaro sa tunga it mga kontrobersiyal nga komento it pilang opisyal sa West Philippine Sea, kaibahan ro pahayag sigon ni Sen. Rodante Marcoleta angot sa Kalayaan Island Group, nga ginpamalibaran mat-a it senador bilang saea nga interpretasyon.
Samtang, nagpanawagan si Sen. Erwin Tulfo it “ceasefire” sa tunga it mahaeang nga pahayag it mga opisyal it Pilipinas ag China.
Gin-insister mat-a it DFA nga dapat maghueag ro mga Chinese diplomats sa sangka “professional manner” sa pagguwa it andang mga pahayag sa West Philippine Sea.
