NATIONAL News — Eubus nga ginkalipay it Armed Forces of the Philippines (AFP) ro pagkabutang it West Philippine Sea (WPS) sa Google Maps, nga ginakabig kara nga pagkilaea sa soberanong kinamatarung it nasyon suno sa 2016 Arbitral Ruling sa idaeum it UNCLOS.
Suno kay AFP spokesperson Col. Francel Padilla, raya hay importante sa pagpakalhit it tamang impormasyon ag kasayuran it publiko.
“As defenders of national sovereignty, the AFP sees this as a valuable contribution to truthful representation and public awareness,” suno kay AFP spokesperson Col. Francel Margareth Padilla.
Ro WPS hay opisyal nga ginpangaeanan ko 2012 sa idaeum it Administrative Order No. 29 ag sakop kara ro parte it exclusive economic zone it Pilipinas, kaibahan ro Luzon Sea, Kalayaan Island Group, ag Bajo de Masinloc.
