Ginpasiguro it Department of Health – Western Visayas ukon DOH 6 nga owa it lockdown ukon travel restrictions nga igapatuman sa pihak it nagakalhit nga “FLiRT” variant it Coronavirus disease 2019 ukon COVID-19.
Suno kay Dr. Bea Camille Natalaray, head it Emerging and Re-Emerging Infectious Disease Unit it DOH 6, ro Western Visayas hay una eamang sa low risk for severe outbreaks bangud sa mataas nga porsyento it mild and asymptomatic COVID-19 cases, low health facility utilization rates, ag extensive vaccination and booster coverage.
Padayon man ro pagpadumdum sa publiko nga magsunod sa minimum health protocols ag dapat magsuksok it face mask ro mga may comorbidities ag senior citizens kon mag-agto sa mga matawo nga lugar.
Gin-abisuhan ro mga naga-eksperyensya it trangkaso nga magpahuway anay sa andang mga baeay para malikawan ro pagkalhit it virus.
Sa makaron, padayon nga gina-monitor it DOH ro mga kaso it “FLiRT” variant sa Western Visayas.
