Kalibo Aklan —–Nagapabilin nga eowas sa coronavirus disease ukon COVID-19 ro probinsya it Aklan ag bilog nga Western Visayas.
Raya ro ginkumpirma ni Provincial Health Officer II Dr. Cornelio Cuatchon Jr. sa plenaryo sa ginpatigayon nga committee hearing it Committee on Health and Social Services it Sangguniang Panlalawigan it Aklan nga ginpangunahan nanday Chairman Nelson Santamaria, Board Member Jose Miguel Miraflores nga gin-atendiran man nanday Board Member Soviet Russia Dela Cruz, Board Member Ramon Gelito ag Vice Gov Reynaldo Quimpo.
Ginpahayag dugang nga maskin maabong Chinese nationals ro gin-quarantine sa Aklan Provincial Hospital ag sa Aklan Training Center hay uwa sa mga raya it nagpositibo sa blood ag specimen sample nga gin-eksamin sa Research Institute for Tropical Medicine ukon RITM.
Ro 11 sigon nga mga dumueoong hay nataw-an it medical clearance maghalin sa infectious specialist it PHO ag properly endorse sa China kon sa siin nanda ginpadayon ro uman nga 14 days quarantine period.
