KALIBO, Aklan–Nagapabilin nga matawhay ro bilog nga Western Visayas pag-abot sa mga ginapatigayon nga local campaign.
Base sa datos it Philippine National Police (PNP) Region 6 owa it may nairecord nga anuman nga klase it insidente nga may kahilabtanan sa pagpangampanya.
Sa pihak kara, ginpahayag ni Plt. Col. Arnel Solis, tagapaghambae it PRO-6 nga owa nagapakampante ro mga katapo it kapulisan ag sigidas roandang ginahimo nga koordinasyon sa andang mga ka-partner nga ahensiya it gobyerno agud nga masiguro ro seguridad it tanan.
Sa pihak nga parte, nakalista man ro PRO 6 it kapin sa 153 nga mga nadakpan nga nagbayolar sa ginapatuman nga Comelec gun ban hasta ko Abril 7.
Sa nasambitan nga numero, 88 kara ro nadakpan nga may bitbit nga assorted firearms samtang 75 ro samataeom nga hinangiban.
Ro mga nadakpan hay maghalin sa probinsya it Aklan nga may 22, Antique 7; Capiz 9; Guimaras 5; Iloilo Province 24; Negros Occidental 58; Iloilo City 17; ag Bacolod City nga may 11.
