KALIBO, Aklan—Nakalista it limang panibag-ong kaso it namatay bangud sa sakit nga Covid-19 sa Western Visayas.// sa nasambitang numero, daywa ro naghalin sa Iloilo City, ag tig-sangka kaso maghalin sa Bacolod City; Silay City, Negros Occidental ag Numancia sa probinsya it Aklan.
Base sa ginpaguwa nga official statement it Numancia Municipal Health Office, si patient Western Visayas 1878 nga sangka 48-anyos nga babaye hay naadmit sa St. Paul’s Hospital sa syudad it Iloilo ko Agosto 3, 2020.
Ginpahayag dugang nga sa pagpangusisa it mga health authorities, ro nasambit nga pasyente hay may travel history halin sa probinsya it Aklan paadto it Iloilo via Antique ko Agosto 2 hasta it 3 para sa medical check-up.
Nagpaidaeom imaw sa Covid-19 antigen test antes pa man imaw gin-admit kon sa siin nagguwa nga negatibo raya sa Sars-Cov-2 ukon Covid-19 Antigen.
Apang, ginboe-an gihapon imaw it nasopharyngeal swab ko Agosto 4 kon sa siin ro resulta hay gin-interpret bilang Sars-Cov-2 ukon Causative Agent of Covid-19 nga gin-isyu it QualiMed Molecular Laboratory ko August 6,2020.
Ro pasyente hay namatay eon ko Agosto 7,2020.
Ginpahayag dugang it MHO-Numancia nga naidentified eon nanda ro mga direktang nakasalamuha it nasambit nga pasyente ag nakataeana nga igapatigayon sa RT-PCR test kon sa siin tanan sigon sanda hay asymptomatic ukon uwa it sintomas nga nabatyagan.
