KALIBO, AKLAN — Pangatlo ro Western Visayas sa may pinakamabahoe nga kontribusyon sa industriya it turismo sa bug-os nga nasyon.
Suno kay Atty. Helen Catalbas, Regional Director it Department of Tourism (DOT) Regional Office VI nga base sa andang datus, nagapanguna ro National Capital Region (NCR), pangaywa ro Cebu ag Bohol kon sa siin nagpangatlo ro Western Visayas.
Nasayuran nga ko nagtaliwan nga dag-on hay pang-ap-at man ro Western Visayas.
Mabahoe ro naibulig suno kay Catalbas it hugot nga seguridad nga ginapatuman sa Rehiyon VI kon sa siin uwa man it mga nailistang insidente nga ginakaeakipan it mga turista.
Nagpasaeamat man raya bangud sa uwa napabahin ro Western Visayas sa mga lugar nga makabig nga “threatened” bangud sa mga ginpaguwa nga travel advisory.
