KALIBO, Aklan—Ro Western Visayas ro ginakabig nga “fastest-growing economy” ko 2022.
Raya hay matapos nga naeampasan kara ro national average ko nagtaliwan nga dag-on base sa ginpaguwa nga data it Philippine Statistics Authority (PSA).
Nakalista ro Western Visayas region it economic growth nga 9.3%, ginsundan it Cordillera Administrative Region nga may 8.7%, ag Davao Region nga may 8.15%.
Sumunod man ro Central Luzon, 8.11%; Bicol Region, 8.06%, Cagayan Valley, 8.0%; Calabarzon, 7.8%; Central Visayas, 7.64%, ag Ilocos Region, 7.60%.
Nauna eon nga ginbalita it PSA nga ro national average economic growth para sa dag-on 2022 hay nag abot sa 7.6%, naeampasan kara ro target band it gobyerno nga 6.5% sa 7.5% para sa nasambit nga dag-on.
Kaibahan sa mga rehiyon nga nakalista it pag-umwad nga “below” ukon manaba sa national average hay ro National Capital Region, 7.18%; Mimaropa, 6.3%; Eastern Visayas, 6.8%; Zamboanga Peninsula, 7.5%; Northern Mindanao, 7.18%’ Soccsksargen, 6.59%, ag Caraga nga may 5.9%.
Sa tanan nga mga industriya, ro accommodation ag food service industries hay nailista nga may pinakamataas nga pag-umwad nga may 32.1%, ginsundan it ibang pang serbisyo sa 28.4%, ag transportation and storage nga may 23.9%.
