Humirit ro White House sa Kongreso it Estados Unidos it $1.5 trillion nga defense budget para sa 2027.
Raya hay kadungan it nagataas nga gastos sa gyera kontra sa Iran ag nagaeapad nga security commitments it nasyon.
Base sa report, masobra sa 40% ro pondo it Pentagon, ro pinakamabahoe nga pagsaka halin pa ko World War II, agud masuportahan ro operasyon militar ag mapun-an ro naubos nga armas ag kagamitan.
Ginatantyang nagaabot sa $2 bilyon kada adlaw ro gastos it US sa gyera sa Iran rason para kapin pang mabug-atan ro pondo it gobyerno.
Agud matustusan raya, plano ni US President Donald Trump nga magbawas it kapin sa $73 bilyon sa non-defense spending, kaibahan ro pilang social programs nga suno kana hay posibleng ipasa eon lang sa mga estado.
Insigida mat-a nga ginkontra it mga Democrat ro proposisyon, gin-insister nga mas ginapaboran kara ro gastos sa militar kaysa sa kinahang-eanon it pumueoyo.
Bukon pa it pinal ro budget proposal ag magaagi pa raya sa deliberasyon it Kongreso, kon sa siin pagaamyendahan ukon daeayon nga harangon it mga mamalidha.
