Naging madinaeag-on ro pagpatigayon it White Ribbon Movement March ku adlaw it Dominggo. Raya ro ginpahayag ni Leody de Guzman, national president it Partido Lakas ng Masa (PLM).
Suno kana, naging madinaeag-on raya matapos nga mag-iba ro mga grupo nga dati hay nagahimo it separado nga mga aktibidad sa EDSA ag Luneta para sa panawagan kontra korapsyon.
Sa makaron sigon, padayon nga ginakulong ro mga ginatawag nga “maisot nga isda” samtang uwa pa it ensakto nga pagpanabat para sa mga matag-as nga opisyal nga ginakonekta sa mga alegasyon it korapsyon.
Ginpahayag man nana nga dapat manabat sa publiko ro tanan nga opisyal nga mapamatud-an nga may kaangtanan sa pag-abuso sa pondo it gobyerno.
Suno pa kana, ginpaabot it nagakaeain-eiain nga grupo, kaibahan ro Partido Lakas ng Masa, ro panawagan para sa pagpapanabat sa tanan nga may kaangtanan sa korapsyon, pagtapos sa political dynasty ag pagiging epektibo it electoral reforms.
Bisan uwa naabot ro target nga 10,000 ka mga partisipante, bastante eon sigon ro numero it nagtiner para padayunon ro andang panawagan. (Bombo Cherry Mae Illavera)
