KALIBO, Aklan—Nagpaabot it pagkabaeaka ro World Health Organization ukon WHO angot sa manaba nga numero it mga nagapasakop sa measles-rubella and oral polio vaccine supplemental immunization activity sa probinsiya it Aklan.
Bangud kara, naglibot sa bilog nga probinsiya ro sangka representante it WHO agud nga mag-obserna sa nagapadayun nga vaccination campaign nga nag-umpisa ko Pebrero 1 hasta 28, 2021.
Dr. Cornelio Cuatchon Jr., it Provincial Health Office ukon PHO-Aklan nga sa kabilugan nga 50,646 nga mga inunga nga naga-edad it 0 to 59 months hay kapin sa 32,000 pa eamamg ro nakapabakuna ukon 63% kumpara sa target nga 95%.
Ginpaathag ni Dr. Cuatchon nga maabu nga mga ginikanan ro nahadlok nga pabakunahan ro andang mga unga , kun sa siin ro iba suno kana hay nageaum nga covid vaccine eon ro ginaturok ag iba pang mga isyu ag concerns.
Ro nasambit nga bakuna suno kana hay booster ukon dugang nga proteksyon sa mga inunga kontra sa nasambit nga mga sakit.
Antes suno kana nga magtapos ro vaccination program, magabutang it kioks ro aklan medical society ag Philippine Pediatric Society Aklan Chapter partikular sa Pebrero 26 ag 27 agud nga makahingabot ro mga ginikanan nga owa pa napabakunahan ro andang mga unga kapin eon sa banwa it Kalibo nga naga-abot sa masobra sa 3,000 pa ro numero.
