Who, nagakabaeaka sa paglobo it COVID-19 sa North Korea

Ginakabaeak-an it  World Health Organization (WHO) ro posibleng paglobo pa it kaso it COVID-19 sa North Korea.

Ginpahayag ni WHO emergencies Director Mike Ryan nga bukon it maeayo nga maka-eksperyensya ro North Korea it mataas nga kaso it taeapnan bangud masami sa mga pomoeuyo it North Korea ro owa pa nakaangkon it bakuna kontra sa nasambit nga virus.

Owa man sigon ro nasambit nga nasyon nag gamit it mga bakuna nga puweding maboue sa nagakaeain-eain nga nasyon kung siin sambilog sigon sa mangin rason ra it pagsipa it kaso it COVID-a9.

Ginsiguro man it WHO nga haum sanda nga buligan ro North Korea apang owa sanda it kinamatarung  nga mag intra sa soberanya it sangka nasyon.