Wildfire sa Greece, ginadudahan nga ginhungod

Naputos it madamoe nga usok ro palibot it Athens Greece bangud sa panibag’ong sunog sa nasambitan nga lugar.

Maeapit man ro kagueangan sa residential area rason nga ginpa’evacuate ro mga nakaistar sa lugar.

Gumamit pa ro mga bumbero it mga helicopter para matapna ro kaeayo.

Ginadudahan it mga otoridad nga ginhungod ro sunog bangud may makita nga lata it petrolyo sa lugar kun siin nag’umpisa ro sunog.

Uwa man it nasakitan sa insidente pero maabong propiedad ro naabo.