KALIBO, Aklan—Adlaw-adlaw padayon sa gihapon ro mga naga-eontad nga wildfire sa pilang lugar sa bahin it Spain.
Raya hay bangud sa padayon nga epekto it heatwave sa nasyon partikular sa bahin it Madrid apisar nga may mga adlaw nga nakaka-eksperyensya ro nasambit nga lugar it pag-inuean.
Suno kay Bombo International Correspondent Maria Edzel Lopez it Madrid, Spain nga ginaeauman pa sa gihapon it mga pumueuyo sa nasambit nga lugar ro padayon nga pagsinaka it temperatura sa mga masunod pa nga adlaw.
Rason nga nagpadumdum ro Department of Energy it nasyon nga magtipid sa pag gamit it kuryente partikular sa pag-gamit it aircon kasunod it pag-inabo man it mga pumueuyo nga naga gamit it aircon.
Nasayuran nga ginalaygayan ro mga pumueuyo nga ibutang eamang ro temperatura it mga aircon hasta sa minimum nga 27 degrees.
Sa pihak nga parte, may kapin man sa 30% nga diskwentro sa pamasahae sa public transport ro ginapatuman sa sueod it Madrid apang kapin man 50% sa guwa it nasambit nga lugar.
