KALIBO, Aklan— Uwa pa man naga-umpisa ro summer season hay nagpainit eon sa palibot ag nagpakita it alindog ro kauna-unahang Pinay nga ginkoronahan bilang Reina Hispanoamericana ko 2017 sa Sta. Cruz, Bolivia nga si Teresita Ssen “Winwyn” Marquez sa isla it Boracay.
Makit-an sa pilang litrato kara nga nagabuead sa idaeom ko silak it adlaw samtang una sa binit it baybayon ag nagtampisaw sa mala-kristal nga tubig-dagat.
Ro nasambitang beauty queen hay naging masako sa anang adbokasiya partikular eon sa ginaduso kara nga kon man-uno kaimportansya ro edukasyon sa mga onga.
Samtanga, nagpabutyag man raya sa pagiging bukas sa pag-intra it uman sa iba pang international beauty pagaent.
Nasayuran nga si Winwyn hay onga it mga beteranong aktor ag aktress nga sanday Joey Marquez ag Alma Moreno kamana man gumankon it dating Miss International nga si Melanie Marquez.
