KALIBO, Aklan—Nakakulong makaron si WNBA superstar Brittney Griner sa Russia matapos nga madakpan it illegal substance.
Base sa mga nagguwa nga report nga samtang una sa Sheremetyevo airport ro 2-time Olympic gold medalist hay nabue-an eon raya it hashis oil sa anang bagahe.
Gin-anunsyo man it Russian Federal Customs Service nga nakakulong eon ro WNBA superstar ko Pebrero pa matapos nga mabuoe ro vape cartridge sa anang bag.
Apisar nga owa it pangaean nga ginpagguwa ro mga otoridad hay nakabuoe it impormasyon ro Russian news agency ag nakilaea ro naaresto nga si Griner ro sentro it Phoenix Mercury.
Bangud sa hitabo hay posibleng magpangatubang raya sa 10 dag-on nga pagkakulong.
Suno sa agent ni Brittney nga si Lindsay Kagawa Colas, padayun ro andang pakikipag-angot sa mga otoridad it Russia ag pamilya kara.
Ro 31-anyos nga si Griner hay 1st overall pick it 2014 WNBA Draft ag sambilog sa best players sa liga.
