-- ADVERTISEMENT --
Eubusan eon nga nagretiro sa paghampang sa national volleyball team si Aby Marano.
Sa anang social media account hay gin-anunsyo it 30-anyos nga dating De La Salle Lady Spiker ro daeayon nana nga pagretiro.
Ginpasaeamatan man kara ro mga nakaibahan sa koponan ag mga fans nga sumubaybay sa andang hampang.
Dag-on 2018 kat maging team captains it national team si Marano.
Kaibahan imaw sa paghampang it national team sa Southeast Asian Games ko dag-on 2015, 2017, 2019 ag 2022 ag kaibahan man imaw kat magdaog it bronze medal ro national team sa ASEAN Grand Prix ko 2019.
-- ADVERTISEMENT --
Ginpasiguro man kara nga bilog gihapon ro anang suporta sa womens volleyball team it nasyon eabi eon sa bag-ong mapili nga team captain.
