Owa sigon it plano ro World Bank nga mag-tao it bag-ong financing sa Sri Lanka, nga padayon nga naga pakigsukoe sa pinakagrabe nga krisis sa ekonomiya sa mga dekada hasta sa maka-angkon it bastante nga macroeconomic policy framework ro nasayong Indian Ocean.
Ginpahayag it World Bank nga kinahangean it Sri Lanka nga mapapag-on ro mga reporma sa istruktura nga nakatutok sa pagpabaskog it ekonomiya ag pagpangatubang sa mga ugat it krisis kara, problema sa foreign exchange nga umabot sa kakueangan it pagkaon, gasolina, ag mga bueong.
Ro World Bank Group hay eubusan nga nagakabaeaka angot sa padayon nga nagagrabeng sitwasyon sa ekonomiya ag ro epekto kara sa mga tawo it Sri Lanka.
Ro bangko hay uman nga ginagamit ro mga resources sa idaeom it mga pautang pata makabulig nga mabuhinan ro mga kakueangan sa mga importanteng bagay kapareho it bueong, gas sa pag-eaha, abono, pagkaon para sa mga inonga, ag kwarta.
Suno pa sa bangko nga sanda hay hugot nga nagapaki-angot para magtindog it kontrol ag pagdumaea it fiduciary para masiguro ro patas nga pagpanupod.
Nauna eon nga ginpahayag it dating pangueong Gotabaya Rajapaksa ko nagtaliwan nga Hunyo nga paga-ayuson it World Bank ro 17 presenteng proyekto ag mas maabo nga bulig ro magasunod pagkatapos it negosasyon sa International Monetary Fund sa sangka financing loan.
Sa makaron, sa state of emergency ro Sri Lanka umpisa Hulyo 13 matapos piliton it mga tanyag nga protesta si Rajapaksa nga aywanan ro nasyon.
Una sa Maldives ag pagkatapos hay Singapore.
