Nagapanawagan si Pope Leo XIV, adlaw it Domingo kontra sa padayun nga pag-eabag sa kahilwayan sa pagpahayag sa nagkaeain-eain nga parte it kalibutan, kadungan sa pagadumdum sa World Press Freedom Day kun sa siin gintumod kara ro mga nagkaeamatay samtang ginabuytan eamang ro andang obligasyon sa tunga it kinagamo ag giyera.
Sa anang dominguhan nga pangamuyo sa Saint Peter’s Square, ginpamilit it Santo Papa ro importansiya it press freedom ag ro naga-grabeng paeag sa mga mamamahayag.
Gin-engganyo man nana ro mga tumueu-o nga dumdumon ro mga katapo it media nga nagbuwis it kabuhi sa pag-usoy it kamatuoran eabi eon sa mga lugar nga apektado it giyera.
Ro World Press Freedom Day hay ginaduso it UNESCO ag ginadumdum kada Mayo 3 nga nagatuyo nga maipakita ro suporta sa mga media nga nakaka-eksperyensiya it pressure ag pasidunggan ro mga mamamahayag nga namatay sa pagtuman it anang obligasyon.
Sa mga nagtaliwan nga pahayag, gin-describe it Santo Papa nga ro pagpahayag hay sangka klase it haligi it sosyudad ag demokrasya, kamana man gin-insister nga ro impormasyon hay sangka pampublikong manggad nga dapat protektahan kontra sa mga nagamanipula.
