Sueod eon ro Pinoy ag world’s No. 2 pole vaulter Ernest John “EJ” Obiena sa finals sa nagapadayon nga Paris Olympics 2024.
Antes raya, daywang beses pumalya si Obiena sa 5.60 meter height apang madinaeag-on nana nga na-clear ro 5.70 sa anang ikatlo ag ulihing attempt para sa Men’s Pole Vault.
Naging kaparte si EJ it best-12 performance sa nasambit nga event para sa finals.
Sa makaron, ginabuytan ni world No. 1 Duplantis ro highest record, samtang ro world No. 3 nga si Sam Kendricks it USA hay nakalista man it 6.06 meters.
Si Obiena ro ginakilaeang unang eaeaki halin sa Asya nga nahimong maeompat ro masobra sa 6 meters.
Nailista nana raya ko June 10, 2023 sa Bergen, Norway.
Bantayan ro masunod nga hampang ni Obiena sa Agosto 6, ala-1:00 it aga-aga, oras sa Pilipinas.
