KALIBO, Aklan–Ginkumpirma it Department of Education (DepEd)-VI nga madayun eon ro hosting it probinsya it Aklan makaron nga dag-on it Western Visayas Regional Athletic Assocation ukon WVRAA Meet.
Suno kay Hernani Escullar Jr., tagapaghambae it DepEd-VI nga posibleng sa ikatlong dominggo it Abril pagahiwaton ro nasambit nga event.
Apang, magapatigayun pa sigon sanda it Regional Sports Board Meeting kaibahan ro Regional Director ag mga Schools Division Superinetdent sa Pebrero 21 agud nga maistoryahan ro pinal nga petsa ag pagpahaum para sa WVRAA meet 2023.
Ginaeauman nga maga-abot sa masobra 3,000 delegado halin sa nagkaeain-eain nga probinsya sa rehiyon ro maga-adto sa Aklan para magpasakop sa mga sporting events.
Ginpasiguro man kara nga prayoridad gihapon ro seguridad it mga partisipante sa pihak it mga paghaeuga it restrictions sa tunga it paeag it COVID-19 pandemic.
