Ginpangunahan ni Department of Education ukon DepEd regional director Ramir Uytingco ro pormal nga pagtakop it Western Visayas Regional Athletic Association (WVRAA) Meet 2023 nga ginpatigayon kahapon sa Calangcang Sports Complex sa banwa it Makato.
Suno kana nga maabu imaw nga natun-an sa uman nga ginpatigayong mabahoe nga sporting events matapos ro pilang dag-on nga pagpaiway kara tuga man it pagpaeanasa it pandemya.
Makabig sigon nga raya ro pinakamatawhay ag madinaeag-on nga WVRAA nga ginpatigayon it departmento.
Ginapahayag nga mabahoe ro naging kontribusyon it lokal nga gobyerno it Aklan bangud sa pagpabutyag it andang suporta bilang host province it nasambit nga sporting events.
Gin-insister kara nga dapat tutukan it mga atleta ro naging eksperyensya sa makaron nga season it WVRAA sa baylo nga masakitan matapos nga owa nakauli ro iba it medalya.
Gindayaw man kara ro tagsa atleta bangud sa nasaksihan nga kalisod ag determinasayon it mga raya sa bilog nga mga ginpasakopang hampang.
Angot kara haum eon ro bilog nga Departamento sa pagsuporta sa mga atleta nga magasabak sa nakataeanang palarong pambansa.
Sa pihak nga parte, kabilugang nagkampyeon ro powerhouse team nga Iloilo, ginsundan it Negros Occidental ag rong host province nga Aklan sa pagtakop it Western Visayas Regional Athletic Association Meet 2023.
