KALIBO, Aklan—Nag-apela it pangamuyo si Department of Education ukon DepEd regional director Ramir Uytingco para sa mga atleta, coaches, trainors ag iba nga nga makaperform it maayos nga uwa it anuman nga insidente nga matabo kasunod sa opisyal nga pagbukas it Western Visayas Regional Athletic Association ukon WVRAA Meet 2023.
Suno kana, eubus nga kinahang-ean raya it atleta eabi eon makaron nga tuman ro kainit nga naeksperyensyahan sa probinsya.
Ro magapangibabaw nga mga atleta sa WVRAA hay igasukoe man sa pre-palarong pambansa nga igapatigayon sa Cebu City sa buean it Hunyo antes nga sumabak sa palarong pambansa nga igapatigayon sa Marikina City.
Sa kabilugan, may una nga 4,895 nga delegado nga ginakaeakipan it mga atleta, coaches, trainors ag committees ro iya makaron sa probinsya it Aklan para sa raya nga mabahoe nga sporting events sa rehiyon.
