KALIBO, Aklan—Masobra sa 500 nga mga atleta ro ginpadaea it probinsiya it aklan sa nakataeana nga Western Visayas Regional Athletic Association ukon WVRAA Meet 2024.
Preparado eon man ro Negros Occidental ag Bacolod City sa pag-host it dag-unan nga regional competition nga maga-umpisa makaron nga adlaw, Mayo 2 hasta 7.
Magatililipon kara ro ginatos nga mga atleta halin sa elementary ag secondary sa nasambit nga sporting event nga may tema makaron nga dag-on nga “2024 WVRAA Meet: Nurturing Champions for the World”.
Magapakitang gilas kara ro mga atleta halin sa Iloilo, Capiz, Aklan, Guimaras, Antique ag Negros Occidental sa nagkaeain-eain nga sports disciplines ag paragames.
Presenteng nagatinir ro 496 nga student-athletes halin sa Aklan ag 39 nga differently-abled athletes sa gintaeana kanda nga billeting area sa Mabini Elementary School ag Graciano Lopez Jaena Elementary School sa Bacolod City kaibahan ro andang mga coaches, assistant coaches, chaperons ag officials .
Nasayuran nga kaabuan sa mga nasambit nga atleta hay naghalin sa Kalibo I ag Kalibo II school districts matapos nga magpangibabaw sa ginpatigayon nga Provincial Athletic Meet.