Sangka yoga teacher sa Dubai ro nakabaton it Guinness World Record kat mag-scorpion pose imaw sa sueod it 29 minutes!
Suno kay Yash Moradiya, daywang dag-on imaw nga nag-training nga mabalanse sa sueod it mahaba nga oras ro anang eawas sa yoga position nga ginatawag nga Scorpion Pose.
Ro Scorpion Pose hay pagbalanse it daywang bisig sa saeog samtang nakalawit ro daywang batiis sa ibabaw it ueo.
Ginapahayag nga nagapamayad-ayad it balance and coordination ro yoga position ngara.
Dugang pa ni Moridiya, bukon eamang it eawas ro ginataw-an nana it training, bangud pati ro anang utak hay gintraining man nana nga maging kalmado ag matiyaga.
Nagbuhay it 29 minutes ag 4 seconds ro naging record ni Moradiya nga sobra ro kaeayo sa previous Guinness record nga 4 minutes and 47 seconds.
Nag-umpisa nga mag-yoga si Moradiya kat imaw hay 8 years old ag nabaton nana ro anang teaching certificate sa edad nga 24.
