KALIBO, Aklan—Nagakabaeaka si House Deputy Minority Leader ag Bayan Muna Representative Carlos Isagani Zarate nga mapundo ro roll out it COVID-19 vaccines sa Pilipinas kasunod it pagpamalibad ni Pangueong Rodrigo Duterte nga magtao it indemnity sa adverse effects it natungdan nga bakuna.
Nagaguwa makaron nga medyo mismong si Pangueong Rodrigo Duterte eon ro naga-sabotahe sa vaccination program it gobyerno bangud sa naging pahayag kara nga indi pagsabton ro mga bakunang ginbakae it mga private sector.
Suno kay Zarate, mismong ro Duterte administration ro nag-insister sa pag-angkon it tripartite agreement, kung siin ro mga private companies ag local government units hay pagapasugtan nga makabakae it bakuna halin sa manufacturers basta mag-agi anay raya sa national government.
Apang, nagaguwa makaron nga owa naila si Duterte nga makaangkon it kahilabtanan engkaso nga makaangkon it adverse effects sa mga bakunang ginbakae it private sector.
Makaron nga ginagamit ro mga bakuna sa bisa it emergency use authorization status, owa naila mag-assume ro manufacturers sa indemnification engkaso man nga makaagkon eon it adverse effects.
