KALIBO, Aklan—Pumalag si Bayan Muna party-list Rep. Carlos Isagani Zarate sa akusasyon ni Pangueong Rodrigo Duterte nga ro mga militant organizations, kaibahan eon ro Makabayan bloc sa Kamara hay nakikibuylog sa conspiracy para pabagsakon ro gobyerno.
Kasunod raya it naging pahayag ni Pangueong Rodrigo Duterte bilang bag-ong bersyon it “Red October” ouster plot, nga ginpaeutaw it militar ko 2018 kung siin andang ginhambae nga ro mga oposisyon hay nagaplano para pahalinon sa puwesto ro punong ehekutibo.
Ko mga nagtaliwan nga adlaw, ginpahayag it presidente nga pilang mga grupo kapareho it Makabayan bloc, Bayan ag Gabriela hay owa man gina-red-tag kundi matuod nga ginatumod bilang fronts it Communist Party of the Phillipines ag National Democratic Front.
Gindumdom man ni Zarate ro ginpagguwa nga “Oust Duterte Matrix” it gobyerno ko 2018, kung siin pilang mga kilaeang personalidad sa oposisyon, progresibong grupo ag maging mga media personalities ro ginpangaeanan.
Apang, nauli eamang raya sa owa ag gingamit eamang para taw-an it rason ro red-tagging ag harassment kontra sa mga kritiko it gobyerno.
