Nagapanangison ag detalyado nga ginpahayag it vlogger nga si Zeinab Harake ro rason it andang pagbueag ni Skusta Clee.
Ginpahayag ni Zeinab sa sangka interview kana ni Toni Gonzaga nga umpisa ku nagtaliwan nga buean it Marso masami eon lang imaw nga gina-aywan nga naga-isaeahanon ni Skusta Clee sa andang panimaeay apisar nga sayod kara nga sensitibo ro anang pagnabdos pangaywa nandang unga.
Nag-abot eon sigon sa punto nga nagapanangison nga nagahinyu imaw kay Skusta Clee nga indi imaw pag-aywanan.
Suno pa kay Zeinab nga masami eon lang imaw nga gina-away ni Skusta Clee apisar nga owa man it nagakaigo nga rason antes nga nadakpan nana raya nga may pagloko eon gali nga ginahimu sa andang relasyon.
Kung madumduman nga ku nagtaliwan nga Abril hay ginpakigbahin ni Zeinab sa social media ro grabe nga pagkasubo sa pagkamatay it anang 2nd baby nga si Moon bangud sa masobra nga stress nga ginapangatubang.
Sa makaron magatutok eon lang anay sigon si Zeinab kay Bia ag sa padayon nana nga pagpabueong partikular sa anang mental health.
