Nagpadumdum ro Department of Labor and Employment (DOLE) sa mga employer ag mga trabahante sa pribado nga sektor angot sa nagakaigo nga pagbayad it sweldo para sa special non-working day makaron nga Disyembre 31, 2025, Bisperas it Bag-ong Dag-on.
Suno sa labor advisory it DOLE, ro mga empleyado nga indi magreport sa trabaho sa nasambit nga adlaw hay subject sa polisiya nga “no work, no pay”, mag-eowas kon may una nga existing policy ro kompanya, collective bargaining agreement, ukon customary benefit.
Samtang, ro mga trabahante nga maga-report sa trabaho sa Disyembre 31 ro may kinamatarong nga makabaton it dugang nga sweldo suno sa ginapatuman nga labor laws para sa special non-working day.
Gin-engganyo it DOLE ro mga employers nga magsunod sa nagakaigo nga wage policies ag ginpadumdum sa mga trabahante nga sayuron ro andang kinamatarong agud masiguro ro patas ag legal nga kompensasyon sa raya nga holiday season.
