KALIBO, Aklan — Nagdangop sa Bombo Radyo Kalibo ro sangka ginang matapos nga magpamalibad sigon ro sangka bangko nga ibalik ro anang 1 milyong dolyar nga kwartang papel nga anang ginpatan-aw kon legit ukon peke.
Suno kay Ronelyn Retome it Brgy. Dingle, Banga, Aklan, nagpabulig imaw sa Landbank of the Philippines agud nga mausisa ro anang ginabuytan nga dolyar, apang owa eon raya ginbalik kana it teller.
Sa kamatuoran, ginpaandaman pa sigon imaw kara nga posibleng makulong engkaso nga mag-insister nga bawi-on ro nasambit nga dolyar bangud nga eabag sigon sa kasuguan ro paghupot ukon pagtago it pekeng kwarta.
Nasayuran nga ro nasambit nga dolyar hay nakita sa kahita it anang namatay nga igmanghud nga dating nagtrabaho sa Singapore bilang domestic helper.
Ginpahayag pa it ginang nga nauna eon nana nga gindaea ro dolyar sa sambilog pang bangko ag money changer, apang nagpamalibad ro mga raya bangud nga makaron eamang sigon sanda naka-encounter it mabahoe nga balor it dolyar.
Sa makaron hay owa pa it sabat ro bangko sa insidente.
