Boracay Island — Patay ro sangka bakasyunista samtang naka-eowas ro anang amigo matapos nga maeumos sa front beach nga andang ginpaligsan bandang alas-4:30 hapon it Biyernes sa Isla it Boracay.
Suno kay P/Lt. Romeo Subrine, chief investigator it Malay Municipal Police Station nga gindeklara nga dead-on-arrival it nagtatap nga doktor sa Ciriaco S. Tirol Hospital ro sambilog sa mga biktima nga nakilaea kay Richard Castillo samtang ro anang kaibahan nga una eon sa establi nga kundisyon sa sangka pribadong ospital sa banwa it Kalibo hay nakilaea kay certain Christian.
Ginpahayag pa ni Lt. Subrine nga lima sanda nga magkabarkada nga nag-agto ag nagpaligos sa baybay, apang ro daywa ro hinampak it mabaskog nga humbak ag inanud sa madaeum nga portion.
Nahaw-as ro mga raya sa tubi it mga rumespondeng life guard ag katapo it Philippine Coast Guard ag insigidang gin revive ro mga raya pinaagi sa CPR, apang ro sambilog hay owa eon naga responde.
Puro mga tumandok it Sta. Cruz laguna ro mga biktima ag magkaibahan sa sangka trabaho.
Ginpahayag nga mga mabahoe ag mabaskog ro humbak sa baybayon kahapon bangud sa epekto it bagyong Kristine .
