KALIBO, Aklan — Padayun nga gina-usoy it mga otoridad ro sangka eaeaki matapos nga eab-on ro mag-igkmapod sa sangka birthday party nga ginkamatay it sambilog ko Lunes it hapon sa Brgy. Nabaoy, Malay.
Base sa report, samtang nga nagapadayun ro selebrasyon hay gulpi eamang nga nag-amok ro suspek nga nakilaea kay Eddie Boy Zubista, 28, ag residente it nasambit nga lugar.
Tuga it sobrang kahilungon, gina-alegar nga nakaangkon it diskusyon ro suspek sa anang igmanghud ag gulping nagsueod sa baeay it celebrant ag nagbo-oe it sanduko.
Sa indi masayuran nga kabangdanan, gin-eabu kara ro nagakatueog eon nga si Eugene Claud, 19, nga tinamaan sa anang tuo nga abaga.
Napatay kara si Rodelio Flores, 35, sangka laborer, matapos nga gin-eutgot ro anang leog samtang nga nagatindog ag nakatalikod sa suspek.
Una eon sa mayad nga kondisyon si Eugene matapos nga mabueong sa Aklan Provincial Hospital.
Ro insidente hay padayun nga gina-imbestigahan it Malay Police Station.
