KALIBO, AKLAN — Sambilog patay, daywa ro naninahan sa pagpamuno nga nag-eontad sa Oyo Torong St. Kalibo, Aklan.
Nakaangkon it patal nga lastro sa dughan si Jesley Concepcion, 19, residente it Brgy. Tabayon, Banga kon sa siin gindeklara nga dead on arrival it attending physician sa Aklan Provincial Hospital.
Samtang, ro daywang iba pa nga naninahan nga una sa kritikal nga kundisyon hay nakilaea nga sanday Manuel Masagnay 22 ag Edcel Ibañez, parehong nag-angkon it lastro sa dughan ag mga residente it Brgy. Bakhaw Norte, Kalibo.
Sa pihak nga parte, emosyonal man nga ginpaathag ko magueang it biktima nga ro tatlo hay nagsaeampitan nga magkaon it lugaw matapos nga naghalin sa sangka okasyon partikyular sa magueang ni Masagnay nga nagpatigayon it pagpamaeayi.
Ginasugid nga samtang nagabaktas pauli hay nataeopangdan it mga raya nga may nagasunod kanda nga kapin sa siyam nga mga indibidwal kon sa siin pag-abot sigon sa nasambitang lugar hay gulpi sanda nga ginpangbuno.
Sa follow-up operation, naaresto ro waeo sa mga suspek.
Maskin nga hugut ro andang pagpamalibad, may pila nga mga saksi ro nakakita ag may naboe-an pa it CCTV footage.
Nagpahayag man it kahauman ro pamilya Concepcion nga magpasaka it kaso kontra sa mga suspek.
