Sangka 10-anyos nga ungang babayi sa Leicester, United Kingdom ro nakalista it world record bangud sa batang edad hay manager eun imaw it estasyon it radyo!
Ginkumpirma it records keeping organization nga Guinness World Records nga si Martha Sheehan ro pinakabag’ong record holder it titueong “Youngest Person To Manage a Radio Station (female)” bangud sa edad nga 10 hay nagapadaeagan eun imaw it radio station nga Space Station.
Ro Space Station hay sangka special radio station nga ginapanag’iyahan it Fun Kids, sangka radio station para sa mga unga nga may edad nga 6 to 12 years old.
Ginpatindog ro Space Station para tumalakay sa science, space ag space exploration.
Ginlunsar raya ku June 8 ag gintaeana nanda si Martha bilang manager kara.
Sa pihak it batang edad ni Martha, imaw eun ro in charge sa kung anong mga topics ro talakayon sa Space Station.
Mag’euwas kara kaibahan sa pagdesisyon kun anong mga kanta, advertisements ag jingle ro ipatukar sa estasyon.
