Owa man nakaeuwas ro napueo nga mga Pinoy sa Shanghai, China matapos nga magpositibo sanda sa COVID-19.
Ginpahayag raya ni Philippine Consul General it Shanghai nga si Josel Ignacio matapos nga magpangayo sanda it bulig sa foreign service post.
Hugot sigon nga ginabantayan nanda ro mga Pinoy nga nagpositibo sa nasambit nga virus kasunod ro direkta nga koordinasyon sa mga raya para matao ro tanan nanda nga kinahangean samtang nagapaidaeom sa quarantine ag nagapamayad.
Suno kay Ignacio nga ginaeauman eon nanda ro mga posibleng maging problema sa tunga it nagapadayon nga surge sa nasambit nga nasyon kapareho it panic-buying ag iba pa kung siin nagpahaom ro andang taeatapan para masikyar ro food security sa mga Pilipino nga presenteng una sa Shanghai.
Ginatan-aw pa sigon nanda kung paalin nanda mapanudpod ro mga pondo nga andang nabaton maghalin sa Department of Foreign Affairs (DFA) ag Overseas Workers Welfare Administration (OWWA).
Madumduman nga una eon nga nakalista ro Shanghai it pito pa nga mga bag-ong namatay bangud sa COVID-19.
