KALIBO, Aklan—Kapin sa 11 ka barangay halin sa kabilugang 16 nga kabaryuhan it banwang Kalibo ro na-cleared eon sa illegal nga droga.
Suno kay Liga ng mga Barangay President Ronald Marte, ro mga drug surenderee sa nasambit nga barangay hay ginpaidaeom sa Community Based Rehabilitation Program ukon CBRP.
Sa pihak kara, sigidas gihapon ro andang monitoring ag ginlaygayan ro nasambit nga mga indibidwal nga padayunon ro naumpisahan nga pagbag-o para sa andang kaugalingon ag bilog nga pamilya.
Aktibo suno kana ro mga miyembro it MADAC ag BADAC sa pagmonitor agud nga mamintina ro record nga cleared eon sa illegal nga droga ro sangka barangay.
Kaibahan ro pulisya, uwa suno kana nanda ginapabay-an ro mga namonitor nga naga-engaged gihapon sa illegal nga hilimuon ag ginasiguro nga mahueog ro mga raya sa alima it kapulisan.
